انهيار سعر البيتكوين
البيتكوين نزل دلوقتي لمستوى $65 ألف بعد ما كان من كام شهر $125 ألف. لو انت شايف الموضوع بعيد، افتكر إن فيه محافظ للشركات الكبيرة مليانة بيتكوين، دهب، فضة، وكمان شوية أسهم. لما سعر البيتكوين بيقع، بيحصل حاجة اسمها margin call، ودي حاجة بتحصل بسبب الرافعة المالية في التداول.
يعني ببساطة، لو معاك 10 جنيه، المنصة ممكن تخليك تدخل بمية جنيه. لو كسبت، تكسب عشر أضعاف، لو خسرت… خسارتك كمان عشر أضعاف!
بيع الدهب والفضة
علشان صاحب المحفظة يحافظ على محفظته وما يبيعش بخسارة كبيرة، بيبدأ يبيع اللي كسبه، زي الدهب والفضة. وده اللي حصل، العرض بقى أكتر من الطلب، والسعر نزل جامد.
لو محافظ الشركات الكبيرة كلها باعت خوفًا من نزول جديد، احتمال البيتكوين يوصل لصفر.
خطر توقف التعدين
تعدين البيتكوين مش لعبة، ده مزرعة كروت شاشة عملاقة بتستهلك كهرباء غالية جدا. التعدين هو إثبات صحة المعاملات على البلوك تشين.
لو سعر البيتكوين نزل أكتر من كده، تكلفة التعدين هتبقى أعلى من قيمته، والعمالة هتوقف المزارع، وده معناه إن شبكة البلوك تشين كلها ممكن تتأثر.
الخلاصة وفرص التداول
الموضوع كله يوريك قد إيه التداول في العملات الرقمية محتاج متابعة وفهم المارجن والرافعات المالية كويس. لو فاهم السوق، ممكن تكسب كويس من الانخفاضات والصعود، وممكن تشوف فرصة تستثمر في $BTC أو $ETH بدون مخاطرة كبيرة.
خليك دايمًا متابع، وحاول تتعلم ازاي تحافظ على فلوسك وتستفيد من كل حركة في السوق.
