ທະນາຄານເພື່ອການລົງທຶນຈີນ “China Renaissance” ຈັບມື YZi Labs ລະດົມທຶນ 600 ລ້ານໂດລາ, ກຽມເຂົ້າຈົດທະບຽນໃນຕະຫຼາດຫຸ້ນສະຫະລັດ ເພື່ອຊື້ BNB ເພີ່ມຕື່ມ!
Bloomberg ລາຍງານວ່າ China Renaissance Holdings ກໍາລັງກະກຽມການລະດົມທຶນຄັ້ງໃຫຍ່ຫຼາຍກວ່າ 600 ລ້ານໂດລາສະຫະລັດ ໂດຍຮ່ວມມືກັບ YZi Labs — ບໍລິສັດດ້ານບລັອກເຊນທີ່ຢູ່ໃນເຄືອຂອງອະດີດຜູ້ບໍລິຫານ Binance — ເພື່ອນໍາໃຊ້ເປັນເງິນລົງທຶນຂະຫຍາຍພອດສິນຊັບດີຈີຕອລ, ໂດຍສະເພາະແມ່ນການຊື້ BNB ເພີ່ມຕື່ມ, ແລະກຽມຍື່ນເຂົ້າຈົດທະບຽນໃນຕະຫຼາດຫຸ້ນສະຫະລັດ.
ກ່ອນໜ້ານີ້, China Renaissance ເຄີຍປະກາດລົງທຶນແລ້ວຫຼາຍກວ່າ 100 ລ້ານໂດລາ ໃນໂທເຄັນ BNB ພາຍໃຕ້ຂໍ້ຕົກລົງຍຸດທະສາດກັບ YZi Labs, ເຮັດໃຫ້ບໍລິສັດກາຍເປັນ ສະຖາບັນການເງິນລາຍທໍາອິດໃນຮ່ອງກົງ ທີ່ອອກມາລະບຸຢ່າງເປັນທາງການວ່າ “ຖືຄອງ BNB ເປັນສິນຊັບຫຼັກໃນພອດຂອງຕົນເອງ”.
ດີລໃໝ່ນີ້ຈະເຮັດໃຫ້ທັງສອງຝ່າຍຮ່ວມລົງທຶນລວມກັນປະມານ 200 ລ້ານໂດລາ, ເຊິ່ງຖືເປັນການຢໍ້າເຖິງກະແສ “BNB Institutional Accumulation” ຫຼືການເກັບສະສົມໂທເຄັນ BNB ໃນລະດັບອົງກອນທີ່ເພີ່ມສູງຂຶ້ນຢ່າງຕໍ່ເນື່ອງ.
ຂະນະດຽວກັນ, ບໍລິສັດສະຫະລັດຢ່າງ CEA Industries ທີ່ຫາກໍ່ເປີດເຜີຍວ່າໄດ້ຖືຄອງ BNB ຈໍານວນກວ່າ 480,000 ຫຼຽນ ພ້ອມສິນຊັບດີຈີຕອລແລະເງິນສົດລວມມູນຄ່າກວ່າ 663 ລ້ານໂດລາ.
ສະທ້ອນໃຫ້ເຫັນວ່າກະແສ BNB ກັບມາໄດ້ຮັບຄວາມສົນໃຈຈາກນັກລົງທຶນສະຖາບັນທົ່ວໂລກອີກຄັ້ງ.
💬 ທັດສະນະຕະຫຼາດ:
ດີລນີ້ບໍ່ພຽງແຕ່ເປັນການລົງທຶນໃນສິນຊັບດີຈີຕອລ, ແຕ່ເປັນ “ສັນຍານຂອງການປ່ຽນຜ່ານ” ຈາກສະຖາບັນການເງິນດັ້ງເດີມໃນອາຊີທີ່ເລີ່ມເບິ່ງ BNB ເປັນສິນຊັບສໍາຮອງໄລຍະຍາວ, ຄ້າຍຄືກັບບົດບາດຂອງ Bitcoin ໃນຊ່ວງທໍາອິດ.
ແລະຖ້າ China Renaissance ເຂົ້າຈົດທະບຽນໃນຕະຫຼາດຫຸ້ນສະຫະລັດສໍາເລັດ — ນີ້ອາດກາຍເປັນ “ຈຸດປ່ຽນສໍາຄັນ” ຂອງການເຊື່ອມໂຍງໂລກການເງິນດັ້ງເດີມກັບໂລກຄຣິບໂຕຢ່າງເປັນທາງການ.
#ChinaRenaissance #YZiLabs #CryptoAdoption $BNB
